Education
Welkom by Universiteit Stellenbosch

Voorgraadse Programme

​​​​​​​​​​​​​

Ons Fakulteit bied twee voorgraadse programme aan:

​Enige van die twee voorgraadse programme gee jou toegang tot die BEd Honneurs programme​​. ​​​

Onderrigtaal

Die Fakulteit Opvoedkunde volg ’n benadering van veeltaligheid met Engels en Afrikaans as die belangrikste onderrigtale. IsiXhosa word as ’n kommunikasietaal gebruik. Om te verseker dat studente toegang tot kennis in die taal van hul keuse het, maak ons gebruik van vertaaldienste.​

​​​​"Teach it" - Gesprekke met studente en alumni

​Ons huidige studente en alumni deel hulle ervarings: Vind meer gesprekke hier​​​​​​​​

 
         
 


BEd (Grondslagfase-onderrig)

Die BEd (Grondslagfase) lei hoofsaaklik onderwysers vir die Grondslagfase (graad R tot 3) op en stel hulle in staat om leerders vir die eiesoortige eise van ons tyd voor te berei. Maar jy ontwikkel ook vaardighede wat verskeie ander beroepsmoontlikhede vir jou kan ontsluit, soos kommunikasiekundige, gemeenskapsontwikkelaar, skakelbeampte en beroepe wat op kliëntediens, bemarking en verkope gerig is.

Jy kan verder studeer in Grondslagfase-onderrig (HonsBEd (Grondslagfase-onderrig)). Daarna kan jy spesialiseer in kurrikulumontwikkeling, skoolbestuur of opvoedingsbeleid (MEd).

Of met nagraadse opleiding kan jy 'n leerondersteuningsonderwyser (HonsBEd en MEd in Opvoedkundige Ondersteuning) of 'n opvoedkundige sielkundige (MEd (Psig)) word. Jy kan selfs spesialiseer in kurrikulumontwikkeling, skoolbestuur, of opvoedkundige beleid.

Programi​nhoud

Praktiese Leer maak vanaf die eerste jaar 'n belangrike deel van hierdie vierjarige program uit. Alle studente moet twee tale neem (gekies vanuit Afrikaans, Engels of isiXhosa) op 'n eerste- of tweedetaalvlak, gedurende die verloop van hul vier jaar van studie. Jy neem ook 'n derde kommunikatiewe taal in jou derde studiejaar.

Die vakke vir die Grondslagfase is vas en dek die teorie en praktyk van al die leerprogramme van graad R tot 3, insluitende:

  • Informasie Kommunikasie Tegnologie vir Leer (IKT)
  • Ontwikkeling en Leer
  • Lewensvaardighede
  • Aanspreek van Diverse Leerbehoeftes
  • Graad R Teorie en Praktyk
  • Taal- en Geletterdheidsonderwys
  • Wiskunde-onderwys (Grondslagfase)

Vir die leerplan van die BEd in Grondslagfase-onderrig, kyk hierdie v​​​ideo​ of raadpleeg ons J​aarboek.

Aangesien die program tot 'n graad lei, gee dit jou toegang tot die Fakulteit se nagraadse programme tot op doktorale vlak.

Keuring​

  • Aansoeke sluit 31 Julie.
  • Daar is plek vir 125 Grondslagfase-studente
  • Vir meer inligting, kyk ons keuringsriglyne of die Fakulteit Opvoedkunde se Jaa​rboek

Toelatingsvereistes vir aansoekers wat die NSS of IEB geskryf ​​het

  • 'n NSS- of IEB-gemiddelde van minstens 60% (Lewensoriëntering uitgesluit)
  • Wiskunde 40% OF Wiskundige Geletterdheid 60%

EN

Leerders wat in Afrikaans skoolgegaan het:

  • Afrikaans (Huistaal of Eerste Addisionele Taal) 60% EN
  • Engels OF isiXhosa (Huistaal of Eerste Addisionele Taal) 50%

OF

Leerders wat in Engels skoolgegaan het:

  • Engels (Huistaal of Eerste Addisionele Taal) 60% EN
  • Afrikaans OF isiXhosa (Huistaal of Eerste Addisionele Taal) 50%

Toelating​svereistes vir aansoekers wat die ou Matrikulasiesertifikaat aanbied

Vir die toelatingsvereistes volgens die ou Matrikulasiesertifikaat (tot 2007), skakel ons Kliëntedienssentrum by 021 808 9111.

Toelatingsvereistes v​ir ander aansoekers

Internasionale aansoekers, of aansoekers wat nie die NSS of IEB eksamens voltooi het nie, se skooleindsertifikaat word vir validering na die Universiteit se internasionale kantoor, SU International, verwys. SU International ken 'n  vergelykbare gemiddelde skooleindpersentasie aan hulle toe met behulp van 'n omrekeningstabel. Die tabel word, in samewerking met SU International, deur die Registrateurskantoor opgestel en bygehou.

In jou finale skooleindeksamen moet jy aan een van die volgende taalvereistes voldoen:

  • Afrikaans (Huistaal of Eerste Addisionele Taal) minstens 60% OF
  • Engels (Huistaal of Eerste Addisionele Taal) minstens 60% OF
  • IsiXhosa (Huistaal of Eerste Addisionele Taal) minstens 60%​​

PROGRAMKOÖRDINEERDER

Dr Zelda Barends
Epos: zbarends@sun.ac.za

​​​​​​PROGRAMinleiding

 

EERSTEJAARERVARING

 

BEd (Intermediêre Fas​​e-onderrig)

Hierdie vierjarige BEd-program lei jou op om onderwys aan leerders in die Intermediêre Fase te gee in twee intermediêre skoolvakke en twee tale. Die program dek die teorie en praktyk van al die leerprogramme van graad 4 tot 7.

Jy kan spesialiseer in kurrikulumontwikkeling, skoolbestuur of opvoedingsbeleid deur op te volg met 'n HonsBEd en 'n MEd-program in een van die onderskeie rigtings. Of, met verdere nagraadse opleiding kan jy 'n leerondersteuningsonderwyser (HonsBEd en MEd in Opvoedkundige Ondersteuning) of 'n opvoedkundige sielkundige (MEd (Psig) in Opvoedkundige Sielkunde) word. Jy kan selfs spesialiseer in kurrikulumontwikkeling, skoolbestuur of opvoedkundige beleid.

Progra​​minhoud

Die program se leerplan is vas en bestaan uit akademiese en professionele vakke. Praktiese Leer maak vanaf die eerste jaar 'n belangrike deel van die program uit. Alle studente neem twee tale as onderrigspesialisering vir Huis- of Addisionele Taal (gekies uit Afrikaans, Engels of isiXhosa) in die loop van hul vier jaar van studie. Hul neem ook 'n derde kommunikatiewe taal die derde studiejaar.

In die eerste studiejaar is Wiskunde-onderrig verpligtend vir alle BEd-studente. Jy neem dus Wiskunde (Ond) en twee ander spesialiseringsvakke uit die volgende:

  • Lewensvaardighede
  • Natuurwetenskappe (Ond)
  • Sosiale Wetenskappe (Ond)

Kyk die voorvereistes vir hierdie vakke verderaan.

In die tweede tot vierde ​​studiejaar neem jy net twee spesialiseringsareas. Let wel: Om met Wiskunde as 'n spesialiseringsvak van die tweede jaar af voort te gaan, moet jy Wiskunde (Ond) 177 met 'n jaarpunt van ten minste 60% in jou eerste jaar deurkom.

Ander verpligte modules sluit in:

  • Informasie Kommunikasie Tegnologie vir Leer (IKT)
  • Taalonderrig en Akademiese Geletterdheid, Ontwikkeling en Leer
  • Aanspreek van diverse leerbehoeftes
  • Opvoedkundebeleid en -leierskap
  • Opvoedkundige Evaluering en Navorsing

Vir meer inligting oor die leerplan van dié program, kyk hierdie video of raadpleeg ons Jaarboek.

Aangesien die program tot 'n graad lei, gee dit jou toegang tot die Fakulteit se nagraadse programme tot op doktorale vlak.

Voorvereistes ​​vir jou gekose spesialiseringsareas

Aansoekers moet aan die volgende voorvereistes voldoen om vir hierdie modules te registreer:

Natuurwetenskappe

  • 'n Prestasie van minstens 50% vir Lewenswetenskappe OF Fisiese Wetenskappe in Graad 12 (Nasionale Senior Sertifikaat- of IEB-eksamen)

Sosiale Wetenskappe

  • 'n Prestasie van minstens 50% vir Geskiedenis OF Geografie in Graad 12 (Nasionale Senior Sertifikaat- of IEB-eksamen)

Lewensvaardighede

  • Geen voorvereistes is van toepassing nie (alle studente kan hierdie vak volg)

Keurin​g

  • Aansoeke sluit 31 Julie
  • Daar is plek vir 125 Intermediêrefasestudente
  • Vir meer inligting, kyk die keuringsriglyne vir BEd (Intermediêrefase-onderwys)

Toela​​tingsvereistes vir aansoekers wat die NSS of IEB geskryf het

  • ’n NSS- of IEB-gemiddelde van minstens 60% (Lewensoriëntering uitgesluit)
  • Wiskunde 40% OF Wiskundige Geletterdheid 60%

EN

Leerders wat in Afrikaans skoolgegaan het:

  • Afrikaans (Huistaal of Eerste Addisionele Taal) 60% EN
  • Engels OF isiXhosa (Huistaal of Eerste Addisionele Taal) 50%

OF

Leerders wat in Engels skoolgegaan het:

  • Engels (Huistaal of Eerste Addisionele Taal) 60% EN
  • Afrikaans OF isiXhosa (Huistaal of Eerste Addisionele Taal) 50%

Die BEd (Intermediêrefase-onderwys) het verdere toelatingsvereistes afhangende van die skoolvakke waarin jy wil skoolhou:

Indien jy Natuurwetenskappe (Ond) kies:

  • Lewenswetenskappe of Fisiese Wetenskappe 50%

Indien jy Sosiale Wetenskappe (Ond) kies:

  • Geskiedenis of Geografie 50%

Toelatingsvereistes vir aansoekers wat die ou Matrikulasies​​ertifikaat aanbied

Vir die toelatingsvereistes volgens die ou Matrikulasiesertifikaat (tot 2007), skakel ons Kliëntedienssentrum by 021 808 9111.

Toelating​​svereistes vir ander aansoekers

Internasionale aansoekers, of aansoekers wat nie die NSS of IEB eksamens voltooi het nie, se skooleindsertifikaat word vir validering na die Universiteit se internasionale kantoor, SU International, verwys. SU International ken 'n  vergelykbare gemiddelde skooleindpersentasie aan hulle toe met behulp van 'n omrekeningstabel. Die tabel word, in samewerking met SU International, deur die Registrateurskantoor opgestel en bygehou.

In jou finale skooleindeksamen moet jy aan een van die volgende taalvereistes voldoen:

  • Afrikaans (Huistaal of Eerste Addisionele Taal) minstens 60% OF
  • Engels (Huistaal of Eerste Addisionele Taal) minstens 60% OF
  • IsiXhosa (Huistaal of Eerste Addisionele Taal) minstens 60%​​

PROGRAMKOÖRDINEERDER

Mnr John Ruiters
Epos: johnr@sun.ac.za

​​​​​​PROGRAMinleiding

 

EERSTEJAARERVARING

 
Aansoeke sluit 31 Julie


  program-
      koördineerders



  navrae​​​​



TOELATINGSVEREISTES

Admission.png


  Keuringsbeleide