Die Afdeling Navorsingsontwikkeling (ANO) is verantwoordelik vir die indiening van navorsingsuitsette vir subsidiedoeleindes by die Departement van Hoër Onderwys en Opleiding (DHOO), asook die opstel van 'n navorsingsuitsetverslag vir die Universiteit. Dit word jaarliks gedoen deur toegewyde koördineerders wat verantwoordelik is vir die proses van die indiening van publikasies vir subsidie binne hul onderskeie departemente/sentrums/eenhede/skole. Dit sluit die oplaai van elektroniese kopieë en stawende dokumentasie op Symplectic Elements in, die stelsel wat sedert 2024 vir hierdie doel gebruik word. Die sluitingsdatum vir indiening is die tweede laaste Maandag in Januarie elke jaar. Historiese data (voor 2024 opname) is steeds beskikbaar vir koördineerders op die Navorsingsadministrasie (RA) Stelsel.​​