Die doel van die beleid is om ‘n standaard volkosteberekeningsbasis  daar te stel vir die berekening van die kostes verbonde aan navorsing- en navorsingsverwante kontrakte aan die US.

Ingevolge die nuwe Wet insake Intellektuele Eiendomsreg voortspruitend uit Navorsing met Openbare Befondsing, Wet 51 van 2008, sal enige navorsing wat deur private befondsing op ‘n volkoste basis onderneem word, normaalweg nie onderworpe wees aan die betrokke wetgewing nie (verw, klousule 15.4 van die betrokke Wet).  Dit is dus in die belang van die US en sy navorsingsvennote om waar van toepassing, toe te sien dat die kostering van alle navorsing- en navorsingsverwante kontrakte op ‘n volkoste basis geskied.
​