Die oogmerk van hierdie befondsing is om US personeellede, wat nie vir NNS Thuthuka-befondsing kwalifiseer nie, in staat te stel om hul doktorsgrade te verwerf. Die maksimum bedrag per toekenning is R30 000.
Subkomitee A:
Voltydse permanente personeel van die Fakulteite Lettere en Sosiale Wetenskappe, Opvoedkunde, Regsgeleerdheid, Teologie, Ekonomiese en Bestuurswetenskappe en Krygskunde, reeds ingeskryf vir hul doktorale studies en wat nie vir NNS Thuthuka-befondsing kwalifiseer nie (dus nie-Suid-Afrikaanse burgers en/of ouer as 45 jaar), kan aansoek doen vir Subkomitee A befondsing ter ondersteuning van hul doktorale navorsing. Personeel uit die ondersteuningsafdelings mag ook om Subkomitee A befondsing aansoek doen.
