Center for Student Counseling & Development
Welkom by Universiteit Stellenbosch


OPLEIDING EN WERKSESSIES


Die Eenheid vir Gestremdhede bied studente en personeel verskeie geleenthede vir opleiding. Dit strek van die aanleer van vingertaal, deelname aan ʼn geakkrediteerde Gestremdheid Leierskap-kursus, en die fasiliteer van personeelopleiding deur middel van die Siyakhula-opleidingsessies.

Leer gebaretaal

Gebaretaal sessies is nou aanlyn. Voorheen, was ses Gebaretaal inleidings sessies elke jaar by Stellenbosch en Tygerberg kampus gehou. Hierdie jaar deel ons agt Gebaretaal inleidings videos. Twee videos sal weekliks vanaf 21 September – 16 Oktober 2020 versprei word via epos aan geintereseerde Stellenbosch en Tygerberg kampus studente en personeel lede. Ons beoog om weer gebaretaal sessies op albei kampusse te hou in 2021 maar alle videos wat in 2020 gedeel word, is verpligtend vir inskrywing vir 2021 intermediêre klasse.

​Indien jy belangstel om hierdie videos te ontvang, kontak die Eenheid vir Gestremdhede by disability@sun.ac.za vir meer inligting.

Lei met Gestremdheid

Lei met Gestremdheid is ʼn geakkrediteerde kursus vir studente. Die kursus dek universele toegang, universele ontwerp en billike akkommodasie uit ʼn gestremdheidsoogpunt. Daar vind etensuursessies op die Stellenbosch-kampus plaas tydens die eerste en tweede semester. E-pos disability@sun.ac.za vir meer inligting. Die sessies is gratis.

Opleiding ​vir personeel

Die Universiteit se Afdeling Menslike Hulpbronne bied Siyakhula-opleidingsessies aan. Die eenheid vir Gestremdhede bied ʼn sessie aan wat fokus op universele toegang, universele ontwerp, billike akkommodasie en besprekings oor gestremdheidsinsluiting op kampus.