​​​​​​​​​​​​WERKSESSIES

Die Eenheid bied verskeie werksessies aan wat jou sal help om tyd en stres te bestuur, voor te berei vir toetse en eksamens, en beter studiemetodes te ontwikkel.

Self-ontwikkeling (i-App)

Die iApp-werksessie is ʼn bemiddelde sessie vir selfondersoek wat fokus op self-ontwikkelings​vaardighede soos die identifikasie van jou persoonlike groei-areas, die stel van persoonlike en akademiese doelwitte, en leiding om gesondheid en welwees te bevorder.

Tydsbestuur (i-Tick)

Tydsbestuursessies sal jou help om jou tyd beter te bestuur deur jou die nodige vaardighede en strategieë te leer om die manier waarop jy jou tyd bestuur aan te pas en te verbeter. 

Stresbestuur (i-Steer)

Hierdie sessie bevorder gesonde stresbestuursvaardighede en staan jou daarmee by om toepaslike vaardighede te ontwikkel. Wanneer jy die sessie voltooi het, sal jy toegerus wees om stres te verstaan en te bestuur; die fisieke, emosionele, geestes- en gedragsimptome van stres te kan identifiseer; en te weet wanneer om professionele hulp te soek om stres te verlig.

Studievaardighede (i-Kit)

Die Studievaardighedesessie help jou om jou huidige studiestrategieë en -vaardighede in oënskou te neem om beter te verstaan waar en hoe jy kan verbeter, uitbrei en aanpas vir beter resultate.

Wees eksamengereed (i-Prep)

Die Wees eksamengereed-werksessie sal jou toerus met verskillende geheuetegnieke, jou help om studie-areas wat uitgebrei kan word, te identifiseer, jou help om die verskil tussen goeie en slegte stres te verstaan, en jou help om take te prioritiseer. Verder sal die werksessie jou aan doeltreffende maniere om vir die eksamen voor te berei, blootstel, en jou help om jou maniere om dinge in die eksamentyd te hanteer, te verbeter.

Hoe om aansoek te doen

Werksessies word óf aanlyn óf in-persoon aangebied. Volg asseblief die program vir meer inligting. Stuur asseblief ‘n epos na studysuccess@sun.ac.za om vir werksessies te registreer. Alle werksessies word gratis aangebied. Jy kan ook ʼn afspraak maak by een van ons professionele voorligters vir ʼn inname-sessie maak – hulle sal jou evalueer om vas te stel watter soort ondersteuning jy nodig het. Ons moedig studente aan om eerste die Selfontwikkeling-sessie by te woon voordat hulle vir individuele ondersteuning vra.

Werksessie program 2023

EAVO Werksessies 2023

Akademiese Vaardighede Ontwikkeling

Alle sessies word op MS Teams aangebied – tensy anders aangedui.

Stuur asseblief 'n e-pos aan studysuccess@sun.ac.za om in te skryf.

​Semester 1

Let wel: Studievaardighede bestaan uit TWEE sessies per aanbieding. Studente moet BEIDE sessies bywoon.

Semester 2