Die besigheidsintelligensiestelsel, SUN-i, is 'n gesamentlike inisiatief deur die afdelings Inligtingsoorsigbestuur en IT. Die doel is om bestuursinligting te voorsien wat besluitneming op middel- en strategiese bestuursvlakke kan ondersteun. Inligting uit verskillende omgewings word geïntegreer om 'n holistiese perspektief te bied.
Gebruikers kan deur middel van dinamiese Excel-verslae en interaktiewe PowerBI toepassings toegang tot SUN‑i bekom. Excel-template is beskikbaar en gebruikers kan hulle eie Excel-verslae pasmaak om in hulle bepaalde behoeftes te voorsien. Slegs geregistreerde SUN-i gebruikers het toegang tot die verslae. Vir toegang tot PowerBI toepassings moet 'n lisensie bekom word. Kliek hier om meer inligting te bekom oor die verkryging van 'n PowerBI lisensie.
Die volgende inligting is beskikbaar:
- Programaansoeke
- Studente-inskrywings en -kwalifikasies
- Module-inskrywings en -eksamenuitslae
- Studenteretensie-en-deurvloeisyfers
- Beursaansoeke en -toekennings
- Personeelverslae
- HEMIS-verslae
Let wel: Inligting mag nie sonder toestemming gepubliseer word nie.
Indien u van plan is om die inligting te publiseer, kontak asseblief die Institusionele Toestemming-hulpkantoor by permission@sun.ac.za
