Tygerberg Doktorale Kantoor
Die Tygerberg Doktorale Kantoor is 'n dryfveer van PhD-studies in die
Matie Fakulteit van Geneeskunde en Gesondheidswetenskappe - vanaf navorsingsvoorstel tot en met gradeplegtigheid en sukses. Ons fakulteit tel onder die top 150 opleidingsinstansies ter wêreld in geneeskunde en geskondheidswetenskappe, en onder die top 4 in Afrika. Ons kampus is in die skilderagtige
Tygerbergomgewing van Kaapstad, Suid-Afrika geleë.
Die kantoor
hanteer die eksaminering van die proefskrifte in (100%) navorsingsmagistergrade; bied die US Pre-Doktorale Kortkursus in Geneeskunde en Gesondheidswetenskappe aan; verskaf omvangryke steun aan alle belanghebbendes by PhD-studies; en tree as 'n fakulteitsgebasseerde verwysingspunt vir consolidocs, na-doktorale genote, en hul tuisdepartemente op. Ons PhD-steun webblaaie bevat besonderhede oor elke stap in die doktorale proses. 'n Kort oorsig van hierdie hulpbronne is ook in
brosjureformaat beskikbaar. Die spesifieke regulasies wat op doktorale studente van toepassing is, word uiteengesit in die Universiteit Stellenbosch Jaarboek (Deel 1 - Algemeen) asook in die FGGW Fakulteitskalender (Deel 12 van die SU Jaarboek).