Medicine and Health Sciences
Welkom by Universiteit Stellenbosch

Gelykheidskampioene

​Ontmoet ons GKs

 

Dr Bonga Chiliza

Tel: +27 21 938 9510
E-pos: bonga@sun.ac.za
Kamer 0022, Kliniese Gebou

Bonga Chiliza is 'n senior psigiater en dosent aan die Departement Psigiatrie van die US en by die Tygerberg-hospitaal. Sy navorsingsbelangstellingsvelde sluit in skisofrenie, konsultatiewe psigiatrie, gesondheidsdienste en gesondheidsberoepe-onderrig. Bonga het reeds 'n aantal toekennings ontvang, insluitend die Hamilton Naki Genootskap vir kliniese navorsing en die CNIP Raphaelson Young Investigators-toekenning. Hy is die outeur van 'n aantal eweknie-beoordeelde artikels en hoofstukke in boeke en voltooi tans sy doktorale studies onder prof Robin Emsley. Hy dien op die bestuursliggame van 'n aantal nie-regeringsorganisasies insluitend SA YMCA, Life Choices en Harambee.

 

Me Farah Fredericks

Tel: +27 21 938 9379
E-pos: farah@sun.ac.za
Kamer 1040, Kliniese Gebou

Farah Fredericks is die Adjunkregistrateur op Tygerberg-kampus. Nadat sy in 2009 'n honneursgraad in sielkunde aan die US voltooi het is sy by die universiteit aangestel as 'n Studenteadviseur. Dit het onder meer behels dat sy verhoudings met skole bestuur het en studente in Gauteng, die Oos-Kaap en die Kaapse skiereiland gewerf het.

Farah is sedert 2010 betrokke by die werwing van voorgraadse studente vir die fakulteit en is tans besig om 'n meestersgraad in hoëronderrig aan die US te voltooi.

Sy is 'n sportfanatikus en van 2007-2011 het sy as deel van die Suid-Afrikaanse Vrouehokkiespan aan 49 wedstryde deelgeneem. Sy is tans lid van die Wes-Kaapse Seniorhokkiespan.

 

Dr Lizahn Cloete

Tel: +27 21 938 9308
E-pos: lizahn@sun.ac.za
Kamer 2025, Onderwysgebou

Lizahn Cloete is 'n dosent in die Afdeling Arbeidsterapie aan die US. Haar belangstellings sluit in om met diverse groepe mense en gemeenskappe te werk met die doel voor oë om beter skakeling oor 'n verskeidenheid sektore te bewerkstellig. Sy spesialiseer in die waardering en uitbouing van kapasiteit en is veral geïnteresseerd in kurrikulumontwikkeling in hierdie verband. Sy dink ook graag oor verhoudingsetiek, professionalisme, bestuur en kwaliteitsversekering en hoe dit verband hou met die werking van organisasies.

   

Me Ronel Bester

Tel: +27 21 938 9833
E-po: ronelbester@sun.ac.za 
Kamer 1027, Kliniese Gebou

Ronel Bester is die Strategiese Verhoudingsbestuurder aan die fakulteit en hoof van die Afdeling Bemarking en Kommunikasie. Sy het 'n honneursgraad in joernalistiek aan die US verwerf en vir 'n aantal jaar in die loopgrawe as koerantjoernalis gewerk voordat sy verder studeer en haar MBA-graad aan die US verwerf het. Sy het in die regeringsektor gewerk voor sy in 2011 by die fakulteit aangesluit het.

Ronel is 'n kranige leser en is baie lief vir die buitelewe, veral stap en skubaduik. Sy hou daarvan om te reis en te leer oor die wêreld en mense. Sy hou baie van kosmaak en geniet dit om tyd deur te bring saam met familie en vriende.

 

Prof Sharon Kling

Tel: +27 21 938 9571 (via mev Sal van Zyl)
E-pos: sk@sun.ac.za
Kamer 2080, Kliniese Gebou

Sharon Kling is die Hoof van die Kliniese Eenheid vir Algemene Pediatrie by die Tygerberg-kinderhospitaal en 'n medeprofessor in die Departement Pediatrie en Kindergesondheid. Sy is ook 'n deeltydse dosent by die Sentrum vir Geneeskundige Etiek en die Reg en 'n lid van die Etiese Komitee by Tygerberg-hospitaal.

Sy is die president van die raad van die Kollege van Pediaters van Suid-Afrika, en dien op die senaat en die bestuurskomitee van die komitee oor finansies en algemene sake van die Kolleges van Geneeskunde van Suid-Afrika. Sy is ook 'n lid van die uitvoerende komitee van die Allergievereniging van Suid-Afrika. Haar hoofbelangstellings op kliniese gebied is asma, allergieë en etiek in die kliniese omgewing.

Haar ander belangstellings sluit in voëlkyk, jazz, lees en sport. Haar eintlike 'claim to fame' is dat sy een van die hoofversorgers is van die rondloperkatte en ander diere op die kampus en by die hospitaal. Sy is die stigter van CACTUS (Compassionate Animal Care at Tygerberg Hospital and University of Stellenbosch), 'n nie-winsgewende organisasie. Sy was onlangs beoordelaar by die Groot Katte-skou in Durbanville in die kategorie vir huiskatte.

 

Prof Wolfgang Preiser

Tel: +27 21 938 9353 (via mev Sal van Zyl)
E-pos: preiser@sun.ac.za
Kamer 8078 / 8080, Kliniese Gebou

Wolfgang Preiser het geneeskunde gestudeer in sy tuisdorp, Frankfurt am Main in Duitsland, en later gespesialiseer in geneeskundige virologie in Duitsland en Londen. Hy het in 1995 by die personeel op die Tygerberg-kampus aangesluit. Hy was onder meer geïnteresseerd tot die werk omdat hy die geleentheid gesien het om 'n verskil te maak in 'n omgewing waar daar terselfdertyd 'n baie groot siektelas in terme van oordraagbare siektes soos MIV/vigs is, en ook die hulpbronne om iets daaromtrent te doen.

Na tien jaar voel hy nie 100% Duits of Suid-Afrikaans nie en kan hy dus na kwessies kyk met die verfrissende perspektief van 'n amper-buitestaander.