Die Afdeling Navorsingsontwikkeling (ANO) bied aan: Navorsingsindaba reeks
Onderwerp: Navorsingsintegriteit (Dr Nicola Barsdorf)
Hierdie sessie sal 'n kort aanbieding deur die Universiteit Stellenbosch se Navorsingsintegriteitsbeampte (NIB) insluit, wat 'n inleiding sal gee tot navorsingsintegriteit en waarom dit belangrik is, uiteenlopende skendings van navorsingsnorme en -standaarde uiteensit en die beleid en prosedures van die Universiteit Stellenbosch relevant vir navorsingsintegriteit uitlig. Daarna sal die vloer oop wees vir besprekings. Ons moedig deelnemers aan om van hierdie geleentheid te gebruik om vrae te stel oor die US se ondersteuningstrukture vir navorsingsintegriteit, asook om vrae / uitdagings oor navorsingsintegriteit uit te lig, en om ervaringe en menings oor sake rakende navorsingsintegriteit te deel. Ons vertrou dat hierdie 'n platform vir dinamiese betrokkenheid sal bied.
Nicola Barsdorf, MHS, Ph.D. is tans die Navorsingsintegriteitsbeampte (NIB) by die Universiteit Stellenbosch (US). Haar rol behels die formulering en hersiening van beleide en prosedures om verantwoordelike navorsingsgedrag te reguleer, die bevordering en bewusmaking van verantwoordelike navorsingsgedrag, die ontvangs van enige bewerings van skendings van navorsingsnorme en -standaarde by die US, die inwerkingstelling en koördinering van die prosedure vir ondersoek van enige sodanige bewerings, asook om die universiteit by eksterne navorsingsintegriteit en navorsingsetiek forums te verteenwoordig.
Nicola was voorheen (2012-2019) die hoof van gesondheidsnavorsingsetiek in die Fakulteit Geneeskunde en Gesondheidswetenskappe aan die US. Sy is 'n voormalige Fogarty Bio-etiese geleerde en 'n Nasionale Gesondheidsgenote (NIH) Bioetiese genoot.
Sy het haar Ph.D. in Internasionale Gesondheid en Bio-etiek van die Universiteit van Bergen, Noorweë en 'n M.H.S. in Internasionale Gesondheids- en Navorsingsetiek van Johns Hopkins Bloomberg Skool vir Openbare Gesondheid, VSA ontvang. Sy was die afgelope 20 jaar aktief betrokke by navorsingsetiek en is passievol oor die bevordering van navorsingsetiek in Afrika. Nicola was 'n kundige konsultant vir die Wêreldgesondheidsorganisasie (WGO) en die NIAID-afdeling vir vigs oor die etiek van MIV-voorkoming en inentingsproewe. Sy gaan voort om navorsingsetiek onderrig aan navorsers en NEK-lede van regoor Afrika namens die US aan te bied en om as fakulteitslid van SARETI (Suid-Afrikaanse opleidingsinisiatief vir navorsingsetiek) te konsulteer.
Sy het die afgelope tien jaar aan die Senaat se navorsingsetiekkomitee en in verskeie van die instellings se navorsingsetiekkomitees gedien.
Registreer: https://bit.ly/3yd8PuM
ʼn MS Teams skakel sal aan deelnemers per e-pos gestuur word.
Navrae: Whitney Prins, drdcomm@sun.ac.za
