Universiteit Stellenbosch
Welkom by Universiteit Stellenbosch
Drie PhD-graduandi van die Departement Bos- en Houtwetenskap
Outeur: Prof David Drew
Gepubliseer: 19/04/2022

By die April-gradeplegtigheid van die Fakulteit AgriWetenskappe, gehou op 4 April 2022, het die Departement Bos- en Houtwetenskap drie nuwe PhD gegradueerdes opgelewer. Dit was Dr Simon Ackerman, Dr Alta Saunders en Dr Johann (Ian) Kotzë.

Dr Ackerman se tesis, onder leiding van Prof Bruce Talbot en Dr Rasmus Astrup (ekstern), was getiteld "Industriële bosbou kompartement kenmerke: die effek op einde van rotasie prosesse en die bosbou voorsieningsketting". Dr Saunders se PhD is toegeken vir haar studie getiteld “Ondersoek na die fotosintetiese en hidrouliese balans tydens droogte herstel in Eucalyptus". Haar studie is onder toesig van Prof David Drew uitgevoer. Dr Kotzë, onder leiding van Prof Thomas Seifert, is sy PhD toegeken vir die ontwikkeling van 'n nasionale-vlak moniteringstelsel vir indringerplante vir Suid-Afrika.

Veels geluk aan al ons graduandi!

Foto van links na regs: Dr Simon Ackerman (saam met Mnr Leeshan Naidoo wat ook tydens dieselfde seremonie met 'n MSc in Bosbou gegradueer het), Dr Alta Saunders (met studieleier Prof David Drew) en Dr Ian Kotzë (saam met sy dogter Tessa).