Universiteit Stellenbosch
Welkom by Universiteit Stellenbosch
Munisipale verkiesing
Outeur: Corporate Communication and Marketing Division / Afdeling Korporatiewe Kommunikasie en Bemarking
Gepubliseer: 17/09/2021

​As 'n verantwoordelike openbare instelling met verantwoordbaarheid as een van sy waardes, doen die Universiteit Stellenbosch (US) 'n beroep op alle personeellede en studente om hul demokratiese reg om te stem, uit te oefen in die komende munisipale (plaaslike regering-) verkiesings wat op 1 November 2021 gehou sal word.

Indien jy nog nie het nie, word jy aangemoedig om as 'n kieser te registreer. Jy kan eerskomende naweek (18 en 19 September 2021) tussen 08:00 en 17:00 by jou naaste OVK-registrasiepunt registreer, of jy kan dit aanlyn doen. Besoek asb www.elections.org.za vir meer inligting.

Die US se Frederik van Zyl Slabbert (FVZS) Instituut vir Studenteleierskapsontwikkeling ('n struktuur binne ons Sentrum vir Studenteleierskap, Ervaringgerigte Opvoeding en Burgerskap, Afdeling Studentesake) beplan 'n sosialemediaveldtog om bewustheid te skep en om studente aan te moedig om te stem.

Dit is in ooreenstemming met die sentrum se mandaat om aktiewe burgers te kweek. Die span werk reeds aan die veldtog. Om studente aan te moedig om aktiewe en reagerende burgers te wees, vorm die kern van die meeste van die Instituut se kortkursusbesprekings.  

Die Universiteit sal ook veldtogte deur ons Studenteraad (SR) steun om studente aan te moedig om te stem.

– Uitgereik deur die US se Afdeling Korporatiewe Kommunikasie en Bemarking