'n Referaat deur twee akademici van die Universiteit Stellenbosch, prof Pregala (Solosh) Pillay en me Priscalia Khosa, oor die impak van COVID-19 op vroue-akademici in die hoëronderwyssektor, het groot erkenning ontvang by 'n onlangse internasionale konferensie oor gendernavorsing in Portugal.
“Of hulle op kampus of van die huis af werk, vroue-akademici moet dikwels verskeie rolle vervul, soos dié van akademikus, ouer, versorger, student en tuisonderrigverskaffer vir hul kinders. Hierdie rolle is kompleks en is tot 'n mate deur die COVID-19 pandemie vererger," voer die referaat aan.
