Bekendstelling van die ROCTAS:  Erkenning aan dosente wat 'n bydrae maak tot die akademiese sukses van studente 

Sedert 2010 het die jaarlikse Eerstejaar prestasietoekennings erkenning gegee aan die top presterende eerstejaarstudente in elke fakulteit, sowel as aan die dosente wat 'n betekenisvolle rol in hul akademiese sukses gespeel het. 

Om beter aan te sluit by die instelling se fokus op studentesukses-inisiatiewe, word die geleentheid tans herbedink. In 2025 sal die toekennings uitsluitlik fokus op die erkenning van dosente wat 'n beduidende impak op eerstejaarstudente se akademiese reis gehad het. 

Die geleentheid staan nou bekend as ROCTAS – Recognition of Contributions Towards Academic Success. 

Aan die begin van die 2025-akademiese jaar is alle tweedejaarstudente wat al hul eerstejaarmodules in 2024 geslaag het, genooi om een dosent te benoem wat 'n besondere bydrae tot hul akademiese sukses gelewer het. Studente moes 'n kort motivering saam met hul benoeming indien. 

Om billike verteenwoordiging tussen fakulteite te verseker, is die aantal dosente wat per fakulteit erken kon word, proporsioneel bepaal op grond van die 2024 eerstejaar-inskrywingsyfers. 

Die eerste ROCTAS-toekenningsgeleentheid het op 7 Mei 2025 by STIAS plaasgevind.
Lees meer oor die geleentheid hier (skakel volg binnekort).​​​​​​​​​​​​​​​​​