​Die twee-jaarlikse SLT Gemengde Leer Koördineerders (GLK) Professionele Leer dag het te STIAS op 9 Maart 2022 plaasgevind. Te midde van verskeie kollegas wat mekaar in-persoon vir die eerste keer hierdie jaar ontmoet, was die dag gekenmerk deur stimulerende gesprekke en die uitruil van verreikende idees. 

Nadat kollegas aan mekaar voorgestel is, het Dr Antoinette van der Merwe, Senior Direkteur aan die Afdeling vir Leer- en Onderrigverryking (LOV), die strategiese institusionele en afdelingprioriteite vir die jaar gedeel. Nie net setel ses van die sewe geïdentifiseerde impakprioriteite by die LOV nie, maar het minstens vier hiervan ʼn direkte impak op die werk en ondersteuning wat deur GLKs aan fakulteite gebied word. Hierdie impakprioriteite sluit ondermeer programvernuwing, assessering, hibridiese leer en digitale transformasie in.

'n Virtuele besoek van Lars Willner, die Hoof Uitvoerende Beampte van 'n klein Noorweegse maatskappy genaamd Differ.Chat het ná Dr Van der Merwe se sessie gevolg. Lars is ook koördineerder van ʼn Edubots projek wat uit ʼn leergemeenskap bestaan wat die beste praktyke in die gebruik van “kletsrobotte" (chatbots), met die doel om prestasie, inskakeling by en deursetkoers in hoër onderwys te verbeter, ondersoek. Lars het kontekstuele en agtergrondinligting tot die projek gegee waarna die moontlikhede van insluiting van kunsmatige intelligensie, in die vorm van Edubots, in onderrig en leer en/of studenteondersteuning aan die US, deur kollegas bespreek is. Vir meer inligting en/of deelname aan die Edubots projek, kontak Elzette le Roux, Adviseur: Aanlyn Leer, by die Sentrum vir Leertegnologieë (SLT).

Na die teebreuk het Dr Sonja Strydom, Adjunk-direkteur Akademiese Ontwikkeling en Navorsing by die SLT, ʼn sessie oor die moontlikhede van ʼn kontekstuele akademieskap roete en opsies vir deurlopende professionele ontwikkeling (DPO) vir GLKs, gefasiliteer. Sommige van hierdie opsies en moontlikhede sluit professionele lidmaatskap, veral ten opsigte van digitale en/of leertegnologie, publikasies, akademiese netwerkplatforms, strategiese deelname aan sosiale media platforms en deelname aan relevante meningstukke, in.

Die sessie ná middagete, wat deur Magriet de Villiers, Adviseur: Leertegnologieë by die SLT fasiliteer is, was met ryke gesprekke en die deel van fakulteitstories en fokusgroepbeplanning gevul. Beste praktyke voortspruitend uit die fakulteitstories en ruimtes vir samewerking tussen GLKs in verskillende fakulteite is ook identifiseer. Die werk van GLKs in fakulteite sluit ondermeer die volgende in (maar nie beperk hiertoe nie): beplanning, insette en insluiting van digitale leertegnologieë in die kurrikulum; fasilitering van werkswinkels en/of interne fakulteitopleidingsessies; ondersteuning en hulp met verskeie SUNLearn aspekte; fasilitering van onderrigleer fokusgroepe in fakulteite; navorsing en konseptualisering van speletjies (gamification) in onderrig en leer.

Vir enige ondersteuning of hulp met gemengde onderrig en leer in die fakulteit, kontak gerus die betrokke GLK. Hiermee meer inligting oor die GLKs en die unieke ondersteuning in die verskillende fakulteite.