Telematic Services
Welkom by Universiteit Stellenbosch

Hoe werk dit?

​​​Telematiese Dienste is die gereedskapstel om verskeie vorme van tegnologie te meng om 'n virtuele leerruimte te vestig​.

​Telematic Services bestuur 'n tegnologieplatform wat satelliet-, stroming- en selfoontegnologie integreer. Die ateljee op die kampus saai uit na 16 afstandleersentrums wat regoor Suider-Afrika geleë is, en regstreekse strome regoor die wêreld. Die geënkodeerde sein word vanaf die Stellenbosch-kampus via die Intelsat 17-satelliet teen 66.0°O gestuur. Die voetspoor dek die grootste deel van die Afrika-kontinent. Studente en leerders kommunikeer met die aanbieder in die ateljee deur gebruik te maak van selfoon- en webtegnologie.

Studente wat vir akademiese programme op die telematiese platform ingeskryf het, geniet die ondersteuning van gekombineerde satelliet-, selfoon- (WhatsApp) en webgebaseerde tegnologie waardeur n doeltreffende virtuele leeromgewing geskep word. In hulle onderrig, gebruik dosente n kontinuum van leergeleenthede wat strek van sinchroniese interaksie (satellietgebaseerde tegnologie) tot asinchroniese interaksie via die webgebaseerde (SUNLearnbesprekingsgroepe. Hierdie metodes word gekombineer om n sosiale leeromgewing daar te stel wat die konstruksie van kennis ondersteun. Op hierdie wyse kan dosente onmiddellike skakeling met studente verbeter deur uitsendings, maar terselfdertyd volgehoue ondersteuning en opvolging verskaf via webgebaseerde interaksie, bv. aanlyn-assessering, aanlyn-soekinstrumentewikis en blogs.