Centre for Teaching & Learning
Welkom by Universiteit Stellenbosch

Universiteitskapasiteitsontwikkelingsfonds

​​

 

Die Universiteitskapasiteitsontwikkelingsfonds (Universiteitskapasiteitsontwikkelingfonds.pdf ) ondersteun die US se Universiteitskapasiteitsontwikkelingsplan en word vir ʼn drie-jaar periode aan die Universiteit beskikbaar gestel. Die termyn van die fonds het aanvang geneem op 1 Januarie 2018 en sal verstryk op 31 Desember 2020.

Die SU se Universiteitskapasiteitsontwikkelingsplan verteenwoordig ʼn geïntegreerde benadering tot die ontwikkeling van onderrig en navorsing aan die US. Dit spruit uit die erkenning dat onderrig- en navorsingsontwikkeling in die lewe van ʼn universiteit (en veral die loopbane van individuele akademici) nie twee afsonderlike trajekte verteenwoordig nie maar eerder albei deel van ʼn enkele geheel is.

Die huidige Universiteitskapasiteitsontwikkelingsplan begroot vir die volgende:

  • die ontwikkeling van veeltalige, vakkundige terminologielyste en die beskikbaarstelling van hierdie op ʼn aanlyn platform
  • die ontwerp van ʼn stelsel om studente vordering en ontwikkeling noukeurig te volg
  • die ontwerp van aanlynopleidingsmateriaal vir tutors
  • die ontwikkeling van nagraadse studievaardighede
  • die totale ontwikkeling van vroeë loopbaan akademici
  • die ontwerp van ontwikkelingsgeleenthede vir departementele voorsitters
  • die toekenning van onderriggenootskappe
  • programvernuwingsinisiatiewe


    Alle sake wat verband hou met die Universiteitskapasiteitsontwikkelingsfonds word deur 'n stuurkomitee hanteer.  Die Komitee adviseur die VR(L&O) aangaande hierdie sake.  Vir enige navrae of inligting, kontak jou Vise-Dekaan (Onderrig) of drs Antoinette van der Merwe (advdm@sun.ac.za), Therina Theron (ttheron@sun.ac.za) of Gert Young (gyoung@sun.ac.za).