Business Management
Welkom by Universiteit Stellenbosch

Internasionale Besigheid

​​

Droom u van 'n internasionale sakeloopbaan? Is u ambisieus, gretig om te leer en gereed vir 'n uitdagende akademiese program met 'n wêreldwye ingesteldheid? Wil u in die buiteland studeer? Oorweeg dan ons BCom-graad in Internasionale Besigheid. Hierdie baccalaureusprogram is geskep vir studente wat 'n deeglike grondslag in die Suid-Afrikaanse realiteite wil verwerf terwyl hulle internasionale sakevaardighede en kennis ontwikkel. Dit is 'n voltydse vierjaarprogram wat slegs in Engels aangebied word. ​

Wees bereid om aan u persoonlike, professionele en globale vaardighede te werk, en verwag die belangrikste aspekte van internasionale besigheid te leer. Die program berei u voor om te floreer in die wêreld van internasionale besigheid, en sluit onder meer kursusse in ekonomie, bemarkings-, finansiële- en innovasiebestuur, handelsreg, politieke wetenskap, interkulturele kommunikasie en 'n vreemde taal in. In u derde jaar neem u deel aan 'n sesmaande internasionale uitruilsemester met een van ons internasionale vennootinstellings. In hierdie internasionale omgewing kan u begin om u nuwe vaardighede te slyp en 'n waardevolle netwerk op te bou terwyl u studeer.

Toelatingsvereistes:​

  • ñ ​NSS-gemiddelde van minstens 80%, Lewensoriëntering uitgesluit
  • Wiskunde 70%
  • Engels Huistaal 70%
  • Engels addisionele taal 70%


Keuring:                                                                                                                                                                                                                              Die program BCom (Internasionale Besigheid) is ’n keuringsprogram met vaste kriteria waaraan jy moet voldoen om van een akademiese jaar na die volgende te vorder. As jy aan die begin van die derde akademiese jaar modules agterstallig is, sal jy jou program moet verander na BCom (Bestuurswetenskappe). Dit is nie moontlik om uit ’n ander program na die BCom (Internasionale Besigheid) oor te skakel nie.


Aansoeke:                                                                                                                                                                                                                          Doen aanlyn aansoek op www.maties.com vanaf Maart die vorige jaar. Die sluitingsdatum vir aansoeke is 30 Junie.​

Beroepsmoontlikhede:                                                                                                                                                                                                      Hierdie program bied geleenthede vir 'n loopbaan in internasionale ondernemings as bemarkingsbestuurder, finansiële bestuurder, entrepreneur of innovasiebestuurder. Alternatiewelik kan kandidate werk kry in groot, multinasionale konsultasiefirmas.



Jaarboek

Vir meer inligting oor die verskillende fokusareas en die vakke, raadpleeg die Fakulteit Ekonomiese- en Bestuurswetenskappe se jaarboek.