​As deel van die Universiteit Stellenbosch se Geïntegreerde Vervoerplan om minder motorvoertuie tussen kampusse te laat rondry en só vervoerkostes te bespaar en 'n meer omgewingsvolhoubare omgewing te skep, is 'n interkampus pendeldiens vanaf 11 September beskikbaar. Die pendeldiens sal ry tussen die Stellenbosch-, Tygerberg- en Bellvillepark-kampusse.

“Die pendelbussies sal op vasgestelde tye tussen dié drie kampusse ry. Indien jy belangstel om van dié diens gebruik te maak, sal dit voordelig wees om jou afsprake dienooreenkomstig te reël," sê Roelof Loubser, Mobiliteitsbestuurder.

Die pendelbussies ry op die volgende vaste tye:

Tye : 

08:00 vanaf Stellenbosch na Tygerberg en/of Bellvillepark

11:00 vanaf Tygerberg en/of Bellvillepark na Stellenbosch

14:00 vanaf Stellenbosch na Tygerberg en/of Bellvillepark

16:00 vanaf Tygerberg en/of Bellvillepark na Stellenbosch

Kostes beloop R75 per enkelrit en betaling geskied deur middel van 'n interdepartementele rekwisisie.  Die OE Kode is 5925. 

Bespreek jou sitplek deur 'n e-pos te stuur aan Wendy Robyn by wrobyn@sun.ac.za

Terugvoer en voorstelle in die verband sal verwelkom word.​