Soms is dit moeilik om genoegsame tyd opsy te sit om te skryf en ʼn skrywer kan maklik momentum verloor. Om jou te help om weer skryfmomentum op te tel, bied die Skryflab op 30 Augustus ʼn skryfmarathon aan. Kom spandeer gerus die dag saam met ons waar jy die geleentheid sal hê om in ʼn ondersteunende omgewing aan jou tesis, voorstel of artikel te werk. Ons begin met ʼn paar opwarmingsoefeninge om jou op dreef te kry en ʼn fasiliteerder sal deurgaans beskikbaar wees om jou te help. Ter voorbereiding, bied die Leeslab ʼn leesmarathon op 30 Augustus aan. Die fasiliteerder sal strategieë deel om jou te help om tekste krities te analiseer.

Om vir die lees- en skryfmarathon te registreer, kontak vir Selene Delport by selene@sun.ac.za.