Kontak:Ms Nothemba Nqayi
- (021) 808 3717
Plek: Room 3008, Education Faculty
Titel van Aanbieding: “Geestesvrugte saam met straatslimheid". Besinnings oor die eerste vyf jaar van 'n studentementorprogram vir eerstejaars in die Verlengde Graadprogram van die Fakulteit Lettere en Sosiale Wetenskappe.
Opsomming van
Uitnodiging:
Hiermee nooi SOL u graag na ’n etensuurpadkossessie as
deel van die Auxin-projek. Die Auxin-projek het dit ten doel om
groeigeleenthede vir US-dosente te skep.
Titel en Naam van
Aanbieder(s): Me. Shona Lombard
Kort Biografie van
aanbieder(s):Die aanbieder is sedert 2011 voltydse dosent in die Verlengde Graadprogram (VGP) in die Fakulteit Lettere en Sosiale Wetenskappe. As deel van haar akademiese pligte koördineer sy verskeie ondersteuningsmodules van die VGP: Inleiding tot die Geesteswetenskappe 178 en 188; en Tekste in die Geesteswetenskappe 113 en 143. In 2015 begin sy ook die mentorprogram op die VGP en is steeds die koördineerder.
Opsomming (“Blurb”) (met
inbegrepe van gevolgtrekkings en implikasies vir Onderrig en Leer @US):
Sedert die
mid-1990s is verlengde graadprogramme (VGP’s)
ingestel by tersiêre instellings, ook by Stellenbosch Universiteit,
in antwoord op die groot aanvraag vir alternatiewe toegangsroetes
tot universiteitstudies saam met beter sukseskoerse vir studente wat nie
voldoende voorberei is vir universiteit nie (Young, Loots, Louw & Wagener, 2010). Spesifieke ondersteuningsmodules binne
die VGP’s het ten doel om studente te help met die oorgangsproses van basiese
na hoër onderwys sodat hulle kanse op akademiese sukses kan verhoog. Naas
sulke ondersteuningsmodules kan mentorprogramme met medestudente unieke
ondersteuning bied en ‘n diepgaande bydrae lewer om eerstegeslag-universiteitgangers
suksesvol te integreer (Wisker,
Exley, Antoniou & Ridley, 2008).
Onder leiding van dr. Gillian Arendse (voormalige hoof van die Sentrum
vir Mentor-, Tutor- en Leierskapontwikkeling aan die US) is ‘n formele
mentorprogram vir medestudente in 2015 begin om VGP-eerstejaarstudente in die
Fakulteit te ondersteun. Die doel van die program is om ‘n veilige ruimte te
skep waarbinne eerstejaars in die VGP in gesprek tree met senior VGP-studente.
Die mentorsessies fokus op hulle ervarings om die gaping tussen skool en
universiteit te oorbrug.
In 2016 en 2017 het die aanbieder ‘n FINLO-befondsde studie gedoen om
die sosiale en akademiese impak van die eweknie-mentorskapprogram te ondersoek.
Die kwantitatiewe en kwalitatiewe data en die jaarlikse evaluasieproses dui aan
dat die
mentorprogram wel veilige,
ondersteunende en uitdagende ruimtes bied waarbinne kritiese en kreatiewe
denkprosesse bevorder is wat kan lei tot positiewe gedragsverandering by sowel die
mentors as die medestudente wat deur hulle gementor word.
Sedert 2017 is die aanbieder ook
betrokke by ‘n proses om ko-kurrikulêre akkreditasie te bewerkstellig vir die program se
mentors en supermentors (voormalige mentors wat nuwe mentors oplei). As ‘n voorbeeld van ervaringsleer (Kolb, 1984)
bied hierdie mentorprogram heelwat geleenthede vir wisselwerking tussen die
mentors en die gementordes se persoonlike kennis en sosiale kennis in ‘n ruimte
van ontwikkeling.
In hierdie Auxin-sessie sal die
aanbieder besin oor van die belangrikste lesse wat sedert 2015 in die
mentorprogram geleer is, dataresultate deel, verslag doen oor strukturele
veranderings in die program en toekomsplanne bespreek.
Artikels
(Bibliografiese gegewens van 2 maklik-verstaanbare
artikels oor die onderwerp)
Crisp, G., Cruz, I. 2009. Mentoring college students: A critical review of the literature between 1990 and 2007. Review of Educational Research, 50: 525-545.
Terrion, J.L., Leonard, D. 2007. A Taxonomy of the characteristics of student peer mentors in higher education: findings from a literature review. Mentoring and Tutoring: Partnership in learning, 15(2):149-164.
Boeke:
Collier, P.J. 2015. Developing effective student peer mentoring programs. Virginia: Stylus.
Firth, L., May, G. & Pocklington, A. 2017. A student's guide to peer mentoring. London: Palgrave
Sleutelwoorde: Studentementor,
Verlengde Graadprogram, ervaringsleer, eweknieleer
Datum: 23 April 2019
Tyd: 12:45 - 13:45
Plek: Lokaal 3008, Fakulteit Opvoedkunde
RSVP
asseblief deur die volgende Google Form te voltooi:
https://docs.google.com/forms/d/e/1FAIpQLSfqtAwQGhYM9nKv0JeZVpkyhGew7LqVX79QLYMo-aZlHE7C9w/viewform?usp=sf_link
Navrae: Miss Nothemba Nqayi, nothemban@sun.ac.za, (021) 808 3717
Kansellasies:
Indien u, om watter rede ookal, nie
meer die AUXIN kan bywoon nie, versoek ons dat u asseblief u registrasie ten minste
24 uur voor die tyd kanselleer, deur me. Nqayi te kontak (kontakbesonderhede
hierbo). Daar is sekere kostes verbonde aan elke AUXIN vir SOL en die versoek
is om finansiële implikasies minimaal te hou.
Meer Inligting:
Na afloop van die sessie sal die potgooi
beskikbaar wees op SOL se webtuiste: www.sun.ac.za/ctl