Marinda
Engelbrecht, Kokkedoorfinalis en tans aanbieder van die TV-program Maklik
met Marinda is op 31 Augustus die gas by die WAT se volgende
Woordpret. Sy sal 'n kookdemonstrasie gee. Marinda is ook saam met Herman
Lensing die vervaardigers van Voorskoot en Lipstiek waarin daar ’n driegangmaaltyd op
die verhoog gekook word. Dit is by die Woordfees en die Klein Karoo Nasionale
Kunstefees opgevoer. Sy is ook betrokke by die regie van kinderteaterproduksies
en is al sinoniem met Vlooi.
Annemie
Adriaanse van Edgebaston Wyne sal van hul uitsoekwyne kom bekendstel en wyn,
sap en ligte verversings is vanaf 12:30 beskikbaar. Marinda kom om 13:00 aan
die beurt. Die program duur ongeveer 45 min. en sal dus voor 13:45 ten einde
loop.
Kaartjies
kos R30 en daar is sitplek vir slegs 50 persone. Skakel Susan of Tanja
voor of op 29 Augustus by 021 887 3113 of kontak die WAT by wat@sun.ac.za
om u sitplek te bespreek. Die Buro van die WAT is in Banghoekweg 115,
Stellenbosch.