​KONFERENSIEFASILITEITE

​​Die Universiteit Stellenbosch (US) beskik oor verskeie konferensiefasiliteite by sy kampusse.Kontak Nicolene Adams by 021 808 3752 of e-pos nadams@sun.ac.za

GASTEVERBLYF

Die Universiteit besit gastewoonstelle wat ideaal op kampus geleë is. Dit is beskikbaar aan onder meer akademici (plaaslik sowel as internasionaal), seminaar-, kongres-, werkswinkel- en/of kort kursusgangers, sowel as ouers en besoekers gedurende gradeplegtighede. Zenobia Davids by 021 808 9568 of e-pos: zenobiadavids@sun.ac.za ​​

ARGIEF

​​Die US Argief bestaan uit versamelings amptelike dokumente, briewe en foto's wat die geskiedenis van die Universiteit reflekteer. Die Argief is in 1996 in die Wilcocks-gebou ingerig met die doel om al die primêre en ongepubliseerde bronne wat verband hou met die geskiedenis van die Universiteit, asook sy voorgangers, Victoria Kollege en Stellenbosch Kollege, in te samel, te orden en toeganklik te maak. ​​

​

WOORDFEES

​​Die US Woordfees is ’n viering van die woord binne sy vele konteks en in soveel vorme moontlik – soos poësie, prosa, debat, verskillende vorme van drama en musiek. Die fokus val op Afrikaans, maar ander tale waarmee geografiese of ander verwantskappe bestaan (onder meer van Afrika en die Nederlande) is ook welkom. Die fees is gerig op studente, skoliere en die publiek en wil so inklusief moontlik wees.​​