Ter viering van Onderrig en
Leer @ US in 2020
Onderrig en leer aan die Universiteit Stellenbosch (US) gedurende
2020 is op 3 Desember virtueel gevier. Die jaarlikse seremonie vir die
Toekennings vir Voortreflike Onderrig aan die US is verbreed om ook die
toekenning van die US se Onderriggenootskappe, die nasionale Genootskappe vir
die Bevordering van Onderrig aan Universiteite (TAU), en die pryswenners by die
konferensie oor die Akademieskap van Onderrig en Leer (AvOL) in te sluit. Vanjaar
is die kortkursusdeelnemers aan 2019 se Akademieskap van Onderrigleierskap (SoEL)
en die deelnemers aan 2020 se Professionele Opvoedkundige Ontwikkeling van
Akademici (PRONTAK, of PREDAC in Engels) ook ingesluit.
In sy opening van die verrigtinge beskryf die US Rektor
en Visekanselier, prof Wim de Villiers, die uitdagings en geleenthede wat die
nood- aanlyn onderrig, leer en assessering in 2020 meegebring het. Hy spreek sy
waardering uit teenoor alle US-dosente, maar sonder die “onderrigkampioene"
uit wat tydens die geleentheid toekennings, pryse of sertifikate sal ontvang.
In sy amptelike rede skets prof Arnold Schoonwinkel, uittredende
Viserektor: Leer en Onderrig,, die prominente posisie van uitnemendheid in
onderrig en leer aan die US. In sy beskrywing van die geleenthede vir die
uitbreiding van professionele kennis wat tot dosente se beskikking is, soos die
jaarlikse AvOL-konferensie, die FINLO-/FIRLT-toekennings en die Akademieskap
van Onderrigleierskapskursus (SoEL-), beklemtoon prof Schoonwinkel die aanwesigheid
van ʼn onderrigtrajek aan die Universiteit. Hierdie trajek kan daartoe lei dat ʼn
akademikus ʼn vooraanstaande geleerde word, wat sy of haar kennis en
ondervinding van onderrig en leer verder as die US neem, om tot die nasionale
en internasionale akademieskap van onderrig en leer by te dra.
Met die oorhandiging van die
toekennings en sertifikate beklemtoon prof Schoonwinkel hoe belangrik dit is om
dosente se “buitengewone prestasies" ten spyte van die ongewone uitdagings
van die Covid-19-pandemie te vier. Hy wens drie nuwe nasionale TAU-genote (Bevordering
van Onderrig aan Universiteite) aan die US geluk: prof Faadiel Essop (Departement
Fisiologiese Wetenskappe, Fakulteit Natuurwetenskappe), prof Ashraf Kagee
(Departement Sielkunde, Fakulteit Lettere en Sosiale Wetenskappe) and Dr
Marianne McKay (Departement Wynbou en Wynkunde, Fakulteit Agriwetenskappe). Hierdie
drie akademici sal die TAU-genootskapsprogram van 2021 tot 2022 bywoon.
Prof Schoonwinkel kondig ook
vier nuwe US-onderriggenote aan: dr Taryn Bernard (Verlengde
Graadprogram, Fakulteit Lettere en Sosiale Wetenskappe), prof Debby Blaine
(Departement Meganiese en Megatroniese Ingenieurswese, Fakulteit Ingenieurswese),
me Gretha Steenkamp (Skool vir Rekeningkunde, Fakulteit Ekonomiese en Bestuurswetenskappe),
en prof Susan van Schalkwyk (Direkteur: Sentrum vir Gesondheidsberoepe-onderwys,
Fakulteit Geneeskunde en Gesondheidswetenskappe). Hierdie genote, almal
uitstekende leerkragte en kenners van onderrig en leer, sal die geleentheid hê
om vir ʼn vasgestelde tydperk met verskillende vorms van steun te fokus op ʼn
navorsingsprojek in onderrig en leer op die gebied waarin hulle belangstel.
Die US se Toekenning vir
Voortreflike Onderrig vir 2020 is aan agt dosente toegeken. Dr
Margaret Blackie (Departement Chemie en Polimeerwetenskap, Fakulteit
Natuurwetenskappe) ontvang ʼn toekenning in die kategorie ‘Uitgelese Opvoeder’.
In die kategorie ‘Ontwikkelende Opvoeder’ ontvang die volgende dosente
toekennings:
· Dr Alexander Andrason (Departement Antieke
Studie, Fakulteit Lettere en Sosiale Wetenskappe);
· Dr Marenet Jordaan (Departement Joernalistiek,
Fakulteit Lettere en Sosiale Wetenskappe);
· Dr Tobi Louw (Departement Prosesingenieurswese,
Fakulteit Ingenieurswese);
· Mnr Juan Ontong (Skool vir Rekeningkunde,
Fakulteit Ekonomiese en Bestuurswetenskappe);
· Dr Ilse Rootman-le Grange (Fakulteit
Natuurwetenskappe);
· Dr Martin Venter (Departement Meganiese
en Megatroniese Ingenieurswese, Fakulteit Ingenieurswese); en
· Dr Shantelle Weber (Departement Praktiese
Teologie en Missiologie, Fakulteit Teologie).
Die volgende referate, wat by
die SoEL-konferensie
2020 gelewer is, is as die beste in die verskillende kategorieë
aangewys:
· Navorsingsbaan: “Strategieë om gegradueerde
hoedanighede te onderrig – ʼn oorsig" – deur wyle dr Alwyn Louw en dr Tiana
Schultz
· Innovasiebaan: “Klasopnames in ʼn
nagraadse finansiële rekeningkundekursus: Studente-persepsies" – deur me
Gretha Steenkamp en mnr Alwyn Visser
· Oordenkingsbaan: “Onbedoelde voordele van
ʼn e-blok vir kliniese bevoegdheid in fisioterapie" – deur me AMS Schmutz, dr
Alison Lupton-Smith en dr Marianne Unger
· Afgevaardigdes se keuse: “Institusionele
struikelblokke in die weg van outentieke transformasie aan die Universiteit
Stellenbosch" – deur dr Anita Jonker
· Beste PRONTAK-plakkaat (volgens die
afgevaardigdes na die konferensie se stemme): “Twenty-first-century learning: Keeping up with Gen Z" deur dr Marlon le Roux en
dr Ethel Phiri
Nege onderrig-akademici in
leierskapsposisies het sertifikate vir die SoEL-kortkursus (Akademieskap
van Onderrigleierskapskursus) in 2019 ontvang. Prof Mary-Ann Plaatjies van
Huffel sal haar sertifikaat postuum ontvang.
Twee-en-sestig akademici wat
die PRONTAK-kortkursus
in 2020 voltooi het, het sertifikate ontvang en is aangemoedig
om hulle onderrigreis voort te sit en daarna te streef om in die toekoms ʼn
Toekenning vir Voortreflike Onderrig te ontvang.
Meer inligting oor die TAU-genootskappe,
die US-onderriggenootskappe en die US se Toekennings vir Voortreflike Onderrig
is beskikbaar by dr Karin Cattell-Holden, kcattell@sun.ac.za. Inligting
oor die SoEL-konferensie en die PRONTAK-kortkursus is beskikbaar by dr Anthea
Jacobs, jacobsa@sun.ac.za, en Charmaine van der Merwe (cvandermerwe@sun.ac.za),
onderskeidelik. Verdere besonderhede van die SoEL-kortkursus kan by dr Nicoline
Herman (nherman@sun.ac.za) of dr JP Bosman (jpbosman@sun.ac.za) aangevra word.
Foto’s:
Bo van links na regs: prof Alexander Andrason, dr Marenet Jordaan, dr Tobi
Louw, mnr Juan Ontong, dr Ilse Rootman-le Grange
Middel van links na regs: dr Martin Venter, dr Shantelle Weber, dr
Margaret Blackie, prof Faadiel Essop, prof Ashraf Kagee
Onder van links na regs: dr Marianne McKay, prof Susan van Schalkwyk, prof
Debby Blaine, dr Taryn Bernard, me Gretha Steenkamp
